ОРАЛ. ҚазАқпарат - Батыс Қазақстан облысында ыстық ауа райына байланысты 5 дәрежелі өрт қаупі жарияланды.
Осыған байланысты БҚО төтенше жағдайлар департаменті жалынның сәл-пәл ұшқынның өзінен шығуы мүмкін екенін және оның тез тарайтынын ескертті. Сондықтан аса сақтық қажет. Әсіресе, қазіргі кезде облыстың орманды және далалық жерлерінде өрт қаупі өткір тұр.
Айта кетейік, биыл облыс аумағында 24727,7 гектарды қамтыған 40 далалық жердің жануы тіркелді. Соның ішінде Бөрлі ауданында - 12, Бөкей ордасында - 9, Ақжайық пен Теректінің әрқайсысында 5 оқиғадан орын алды. Тек жедел әрекеттердің арқасында олардың алапат өртке ұласуына жол берілмеді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).