ОРАЛ. 3 шілде. ҚазАқпарат - «Батыс» өңірлік қолбасшылығы бірінші жартыжылдықтың қорытындысы бойынша ішкі әскерлер арасында бірінші орынды иеленді.
Бұл туралы 2 шілде күні 2013 оқу жылы жазғы мерзімінің басталуына арналған салтанатты жиында «Батыс» өңірлік қолбасшысының тәрбие және әлеуметтік-құқықтық жұмыстар жөніндегі орынбасары, подполковник Қанат Беляков мәлім етті.
Қолбасшылықтың баспасөз қызметінің басшысы, майор Ерболат Сұлтановтың хабарлағанындай, жаңа оқу мерзімінің басталуына орай ішкі әскерлер алдына Елбасы тапсырмаларына сәйкес қойылып отырған міндеттер нақтыланды. Алғашқы сабақтар барысында Елбасы туралы деректі фильм көрсетіліп, жауынгерлік және мемлекеттік-құқықтық даярлық, әскери және жеке көліктегі қауіпсіздік жайлары айтылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).