ОРАЛ. 7 маусым. ҚазАқпарат - 7 маусым күні Зеленов ауданының әкімі Марат Оңғарбеков бір топ ардагерлермен жүздесті.
Еңбек ардагерлеріне ауданның әлеуметтік-экономикалық дамуы мен түрлі салада атқарылып жатқан іс-шаралар туралы баяндаған аудан басшысы 11 ардагерге Астанаға сапарлауға жолдама ұсынды.
Астанаға баратын ардагерлер арасында Майдан Жұбандықов, Анатолий Белинский, Мария Рычкова, Тілеш Нұрмұқанов, Қазиза Әдиетова, Хамит Ерғалиев, Николай Анцепрович, Жеткен Рахматуллин, Құмарғали Ғұбайдоллаұлы, Сүйеніш Ақсалов, Болат Абдулхалықов сынды елге еңбегі сіңген ардагерлер бар.
Ардагерлер сапары барысында Тұңғыш Президент музейі, Бейбітшілік және келісім сарайы, «Атамекен» этно-мемориалдық кешені, Назарбаев университеті сынды бірқатар мәдени орталықтарды араламақ.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).