ОРАЛ. 14 маусым. ҚазАқпарат - Астанада мәреге жеткен медицина қызметкерлері арасындағы республикалық байқау қорытындысында БҚО перинатальдық орталығының қызметкері Светлана Габдрахманова медбикелер ішінен бірінші орынды жеңіп алды.
2004 жылы Батыс Қазақстан медицина колледжін үздік бітірген Светлана сол жылы бұрынғы №3 перзентханаға орналасты. Содан кейін перинаталдық орталықтың аға медбикесі міндетін атқара бастады.
Сонымен қатар аталмыш байқауда Зеленов аудандық ауруханасының жалпы тәжірибе дәрігері Жаннет Бисембаева «Үздік ауыл дәрігері» аталымы бойынша екінші орынды иеленді. Сондай-ақ облыстық көпбейінді балалар ауруханасының дәрігер-реаниматологы Юлия Горячева үздік үштіктің қатарына ілікті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).