ОРАЛ. 21 қазан. ҚазАқпарат /Елжан Ералы/ - Байдарка мен каноэдан Азия чемпионатында батысқазақстандық ескекші Алексей Дергунов олимпиада жолдамасына ие болды.
Тегеран қаласында өткен біріншілікте Орал қаласындағы №1 балалар-жасөспірімдер спорт мектебінің түлегі А.Дергунов байдаркада екеулеп ескек есуден осы мектепте тәрбиеленіп шыққан, қазір Шымкентте тұратын Евгений Алексеевпен бірге Лондон олимпиадасына қатысуға мүмкіндік беретін нәтиже көрсетті.
А.Дергунов - халықаралық дәрежедегі спорт шебері, екі мәрте Азия чемпионы, 2008 жылы Бейжің олимпиадасына қатысқан.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).