ОРАЛ. Қаңтардың 11-і. ҚазАқпарат /Елжан Ералы/ - БҚО-ның Сырым ауданы Жымпиты ауылында тұратын Рабиға Ысқақова 100 жасқа толды,
деп хабарлайды ҚазАқпарат тілшісі.
Атырау аумағында туып-өскен ол Жымпиты ауданындағы Абай атындағы кеңшарға жұмысшы ретінде арнайы жолдамамен келеді. Өзінің айтуынша, жас кезінде өгізбен сабан айдап, шөп шауып, мал баққан. Ұлы Отан соғысы кезінде майдандағы жауынгерлерге жылы қолғап тоқып, тағамдар жіберіп тұрған ол небір қиындық көрген. Өмірлік қосағы Бақыт Темірғалиевпен біраз жыл мал бақты.
Алты ұл-қыз өсірген әжей қазір ұлы Болат пен келіні Жұмазияның қолында тұрып жатыр. Төрт немере мен шөбере-жиендерінің қызығын көріп отырған әжей: «Елден бақ таймасын, Елбасымыз аман болсын», деп тілейді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).