ОРАЛ. 18 наурыз. ҚазАқпарат /Елжан Ералы/ - Батыс Қазақстан облыстық қазақ драма театры 25-30 наурыз аралығында гастрольдік сапармен Ақтөбе қаласында болмақ.
Театр директоры Құжырғали Төлеуішевтің айтуынша, ақтөбелік көрерменнің назарына «Әпке», «Ғашықсыз ғасыр», «Болмаған оқиға», «Ханума» секілді алты қойылым ұсынылмақ.
Өз тарихында тұңғыш рет Ақтөбеге өнер сапарымен баратын театр труппасында Қазақстанның еңбек сіңірген әртісі, Мемлекеттік сыйлықтың лауреаты Сердеш Қажымұратов, ҚР еңбек сіңірген қайраткері Қарлығаш Асқарова, сондай-ақ Боранбай Молдабаев, Бибігүл Есәлиева, Мұсағали Бектенов сынды сахна шеберлері бар.
Алдағы уақытта мұндай шаралар дәстүрге айналмақшы.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).