ОРАЛ. 5 сәуір. ҚазАқпарат - Биылғы бірінші тоқсанда БҚО-да 5 млрд. 920 млн. 425 мың теңге кедендік төлемдер мен салықтар бюджетке аударылды.
БҚО бойынша кедендік бақылау департаментінің баспасөз қызметінен түскен мәліметке қарағанда, болжамды тапсырма 112,6 пайызға орындалды.
Кедендік бақылау бекеті басқармасы да жақсы қызмет атқарды. 21 тексеріс бойынша бюджетке қосымша 152 млн. теңге түсті. Үш айда 132 кедендік ережені бұзу фактісі анықталды.
Контрабандалық қылмысқа қарсы күрес басқармасы қызметкерлері жыл басынан бері кедендік заңнамаларды бұзғандарға 4 қылмыстық іс қозғап, 31 әкімшілік құқықбұзушылықты анықтады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).