ОРАЛ. Қыркүйектің 14-і. ҚазАқпарат /Ғайсағали Ералы/ - Қыркүйектің 14-інде Жәңгір хан атындағы Батыс Қазақстан аграрлық-техникалық университетінің залында облыс прокуроры Жақсылық Байтұқбаевтың төрағалық етуімен 2010-2020 жылдарға арналған ҚР Құқықтық саясат тұжырымдамасын талқылауға арналған облыс құқық қорғау органдарының ведомствоаралық кеңесі болды,
деп хабарлайды ҚазАқпарат тілшісі.
Кеңеске қатысушылар жаңа тұжырымдамаға сәйкес елде құқықтық мемлекет қағидаларын одан әрі орнықтыруда құқық қорғау органдары алдында тұрған міндеттерді нақтылады. Ең бастысы, әр адамның конституциялық құқығы мен еркіндігін сақтауға кепілдік бере отырып, барлық мемлекеттік органдар, лауазымды қызметкерлер, азаматтар мен ұйымдар өз міндеттерін бұлжытпай орындауы тиіс.
Қылмыспен күрес, оны толық ашу, қылмыс жасағандарды әшкерелеп, жауапқа тарту, заңдылық пен қоғамдық қауіпсіздікті сақтау құқық қорғау органдарының басты міндеті болып қала бермек.
Кеңес соңында Жақсылық Байтұқбаев аталған құжатты әр құқық қорғау органы қызметкері оқып-үйреніп, соған сәйкес іс-қимыл жасап, тұрғындар арасында жан-жақты түсінік жұмысын жүргізудің қажеттігін атап көрсетті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).