ОРАЛ. 19 маусым. ҚазАқпарат - Талдықорған қаласында тірек-қимыл жүйесі зақымданған және көздері нашар көретін мүгедектер арасында жеңіл атлетикадан ел біріншілігі өтті.
Оған республикамыздың 13 облысынан және Алматы, Астана қалаларының командалары қатысты. Барлығы 100-ге тарта мүмкіндігі шектеулі спортшы қатысқан додада БҚО құрама командасы жарыстың 6 түрінен қола медальға қол жеткізді. Атап айтқанда, М.Қабдолов 400 метрге жүгіруден, В.Чупрова ұзындыққа секіруден, Г.Батпақұлова ядро мен диск лақтырудан, ал Р.Бегналиев 100 және 200 метрге жүгіруден үшінші орынға табан тіреді.
Жарыс жеңімпаздары мен жүлдегерлері медаль-дипломдармен марапатталды
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).