18:40, 15 Қараша 2010

Батысқазақстандық оқушы республикалық фестивальден олжалы оралды

ОРАЛ. 15 қараша. ҚазАқпарат /Елжан Ералы/ - БҚО-ның Бөкей ордасы ауданы Мұратсай ауылында тұратын оқушы Әлібек Рамазанов Алматы қаласында өткізілген «Айгөлек» журналының 10 жылдық фестиваліне қатысып, олжалы оралды.

А.Құсайынов атындағы орта мектеп мұғалімі Алма Түсіпқалиеваның айтуынша, төрт жасынан сурет салуға құштар болған Әлібек арасында шағын мақала жазғанды ұнатады. Сөйтіп ол «Айгөлектің жас тілшісі» атанды. Он төрт облыстан 300-ге жуық бала қатысқан фестиваль барысында Әлібек Алматының әсем жерлерін аралап, атақты актер Асанәлі Әшімовтен бата алып қайтты. Балалар журналының тұрақты оқырманы болып қана қоймай, шығармашылық қабілетімен көзге түскен Әлібек Рамазанов ұялы телефонмен марапатталды.

Мәдениет Аймақ Батыс Қазақстан облысы
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).