ОРАЛ. 22 наурыз. ҚазАқпарат - БҚО Ішкі істер департаментінде мемлекеттік тіл және ақпарат бөлімі қызметкерлерінің ұйымдастыруымен «Армысың, әз Наурыз!» атты дәстүрлі ашық сабақ өтті.
Департамент бастығының орынбасары Берік Өтеулин жиналғандарды Ұлыстың ұлы күнімен құттықтады. Шарада Наурыз мейрамының мән-маңызы айтылып, қазақтың салт-дәстүрлері, ұлттық ойындары таныстырылды. Сақина жасыру ойыны барысында полиция капитаны Диляра Сатарова «Дудар-ай» әнін шырқады.
Бұдан кейін мерекеге қатысушылар дастарқанға шақырылып, қазақтың сары бауырсағы мен наурыз көжеден дәм татты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).