12:41, 26 Наурыз 2009

Батысқазақстандық студенттер білім сайысында алдыңғы саптан көрініп келеді

ОРАЛ. Наурыздың 26-сы. ҚазАқпарат /Ғайсағали Ералы/ - Биылғы наурыз айы М.Өтемісұлы атындағы Батыс Қазақстан мемлекеттік университеті студенттері үшін сәтті болды,

деп хабарлайды ҚазАқпарат тілшісі. Е.Букетов атындағы Қарағанды мемлекеттік университетінде педагогика және бастауыш білім әдістемесі мамандығы бойынша өткізілген олимпиадада үшінші курс студенттері Мөлдір Мұратова, Арайлым Өсербаева, Әлия Қаржаубаева оқытушы Гүлнұр Мұсағалиеваның жетекшілігімен төрт турдың қорытындысы бойынша білім байқауының жеңімпазы атанды. Сол секілді Алматыда Қазақстан-Британ техникалық университетіндегі информатика олимпиадасында төртінші курс студенті Павел Зотов, үшінші курстан Армат Мақсотов пен Болат Мырзалиев (жетекшілері Дәурен Ғабдоллаев) үшінші орынға қол жеткізді.
Аймақ Білім және ғылым
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).