ОРАЛ. 12 қараша. ҚазАқпарат /Елжан Ералы/ - М.Өтемісұлы атындағы Батыс Қазақстан мемлекеттік университетінің «Жас қыран» командасы Тараз қаласында Бауыржан Момышұлының 100 жылдығына орай өткізілген «Тараз кубогі-2010» пікірсайыс турнирінен табыспен оралды.
Команда мүшесі Мерхан Абдоловтың хабарлағанындай, республиканың әр өңіріндегі ЖОО-лардан 32 команда қатысқан сайыста батысқазақстандықтар тапқырлық танытып, «Үздік команда» аталымын жеңіп алды. Команда құрамында Мерханнан басқа Нұрлыбек Тажкенов, Гүлнұр Отарова болды.
«Жас қыран» студенттерді отансүйгіштікке тәрбиелейтін шараларға алдағы уақытта да қатыспақшы.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).