ОРАЛ. 5 мамыр. ҚазАқпарат - Батысқазақстандық тәртіп сақшылары БҚО ішкі істер департаментінің Шалқар көлі жағасында орналасқан туризм және спорт, қоғамдық қауіпсіздікті сақтау базасындағы сенбілікке қатысты.
Департаменттің баспасөз қызметінен хабарлағанындай, бұған дейінгі сенбіліктерде департаменттің барлық бөліністері қызметкерлері Орал қаласындағы күл-қоқысты жинастыру, тазалау мен абаттандыру жұмыстарына атсалысқан еді. Тәртіп сақшылары қураған ағаштарды отап, өсіп тұрғандарының түбін қопсытты, әктеді, қоғамдық орындықтарды сырлады.
Бұл жолы департамент бастығының орынбасары, полиция полковнигі Талғат Рахметов бастаған сақшылар базаның айналасын жинастырып, шыршаның жеті жас көшетін отырғызды. Мың жарым түп түрлі гүл екті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).