ОРАЛ. Маусымның 18-і. ҚазАқпарат /Елжан Ералы/ - Батысқазақстандықтар ат спорты түрлерінен Астанада өткізілген ел чемпионатынан табыспен оралды,
деп хабарлайды ҚазАқпарат тілшісі.
Атап айтқанда, БҚО құрамасы көкпардан үшінші орынды еншіледі. Сондай-ақ 22 шабандоз қатысқан теңге алу сайысынан батысқазақстандық Армат Сәрсекенов 15 секундте бес рет теңге іліп, Қазақстан рекордын жаңартып, чемпион атанды. Сөйтіп ол ҚР спорт шеберінің нормасын орындады. Басқа да ат спорты түрлерінен батысқазақстандықтар көзге түсіп, шеберліктерінің өсіп келе жатқандығын көрсетті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).