Қазақстандық, әлемнің 247-ракеткасы Бейбіт Жұқаев Шарлотсвилл (АҚШ) челленджер турнирін жеңіспен бастады, деп хабарлайды Kazinform .
Қазақстандық теннисші алғашқы кездесуін дүниежүзілік рейтингте 354-орында тұрған америкалық Тай-Сон Квятковскимен өткізді.
Аса тартысты өткен матчта Б.Жұқаев 4:6, 7:6 (7:3), 7:6 (7:3) есебімен жеңіске жетті.
Екі сағат 38 минутқа созылған матч барысында ол 22 эйс жасап, 4 брейк-пойнттың біреуін пайдаланды.
Т.Квятковски 15 эйс, 2 брейкпен (11 брейк-пойнт) көзге түсті.
Бейбіт Жұқаев ширек финалға шығу үшін әлемнің 174-інші, жарыстың 6-ракеткасы, аустралиялық Адам Уолтон немесе рейтингте 517-сатыдағы испаниялық Иньяки Монтес де ла Торренің қай жеңгенімен таласады.
Еске сала кетейік, бұдан бұрын Париж мастерс турнирінде Александр Бубликтің әлемнің 14-ракеткасын жеңгенін жазған едік.
Сондай-ақ Михаил Кукушкин Италияда Бергамо негізгі турниріне өтті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).