ОРАЛ. Ақпанның 15-і. ҚазАқпарат /Елжан Ералы/ - Бөрлі аудандық мәслихатының шешімімен бір топ адамға «Бөрлі ауданының құрметті азаматы» атағы берілді.
Аудандық мәслихаттан ҚазАқпарат тілшісіне хабарлағанындай, осы мәртебелі атақты ұзақ уақыт аудандық атқару комитетінде жемісті қызмет атқарған Валентина Дасаева, теміржолшы Петр Щербинин, аудандық мәслихат хатшысы Ибрагим Ізмағамбетов, «Конденсат» компаниялар тобының басшысы Валерий Жүнісов, малдәрігерлік саласының ардагерлері Валентин Автономов, Сансызбай Күзембаев иеленді.
Осынау құрметті атақ ауданға еңбегі сіңген азаматтарға көп жылдан бері беріліп келеді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).