ОРАЛ. Қыркүйектің 28-і. ҚазАқпарат /Ғайсағали Ералы/ - «Сырым» бекетінде шекарашылар рәсімделмеген ірі көлемдегі шетелдік ақшаны алып өтпек болған азаматтарды ұстады,
деп хабарлайды ҚазАқпарат тілшісі.
«Тойота» автокөлігімен Самара облысына бет алған ресейлік пен оның оралдық серігінен 3 мыңнан астам АҚШ доллары мен 46 мың Ресей рублі табылды. Үшінші жолаушы, Орал қаласының тұрғыны бұл екеуінен де «бай» болып шықты. Ол 10 мың АҚШ доллары мен 150 мың рубльді алып өтпек болған екен.
Ал батысқазақстандық әйел пойызбен жалпы салмағы 82 келі тартатын үш қап балықты әкетіп бара жатқан кезде қолға түсті. Бұл әрекет Орал-Алматы бағытындағы №380 пойызының №13 вагонын тексеру кезінде анықталды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).