ОРАЛ. Қаңтардың 13-і. ҚазАқпарат /Елжан Ералы/ - Елімізде бірыңғай ұлттық денсаулық сақтау жүйесінің енгізілуіне байланысты партиялық бақылау бекеттері ашылуда.
Бұл туралы қаңтардың 13-інде «Нұр Отан» ХДП облыстық филиалында өткізілген отырыста айтылды.
Облыстық филиал партиялық бақылау комиссиясының инспекторы Аққали Әубекеровтің айтуынша, мұндай бекеттер барлық аудандар мен елді мекендерде, сондай-ақ Орал қаласында жеті жерде құрылуда. Мақсат - халыққа медициналық қызметтің сапалы да дер кезінде көрсетілуін қадағалау.
Аталмыш жүйенің енгізілуіне орай бірінші кезекте атқарылып жатқан жұмыстар жөнінде облыстық денсаулық сақтау басқармасы бастығының орынбасары Мәншүк Аймұрзиева баяндап берді. Бұдан кейін жиынға қатысушылар №3 қалалық емхана жанында ашылған партиялық бақылау бекетінде болды. Мұнда тұрғындардың өтініш-ұсыныстарын салатын арнайы жәшік қойылған.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).