АСТАНА. 18 сәуір. ҚазАқпарат - Жедел деректерге сәйкес ағымдағы жылғы наурызда ірi және орта кәсiпорындар мен ұйымдарға 68,7 мың адам қабылданды, түрлі себептермен - 65,9 мың адам жұмыстан кетті. Бұл туралы бүгін ҚР Статистика агенттігінен хабарланды.
Жұмыстан кеткен қызметкерлердiң арасында тұрақтамау себептері бойынша жұмыстан босатылғандар 80,8%, қызметкерлер санының қысқартылуына немесе кәсіпорынның таратылуына байланысты - 4,8%, басқа себептер бойынша - 14,4% құрайды.
«Ағымдағы жылғы наурызда қабылдау бойынша айналым коэффициенті 2,1%, жұмыстан босату бойынша айналым - 2,0%, жұмыс күшінің тұрақсыздық коэффициенті - 1,6% құрады. Осы кезеңде жұмыс күшін ауыстыру коэффициенті 104,3% құрады»,-делінген агенттік мәліметінде.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.