ОРАЛ. ҚазАқпарат - Батыс Қазақстан облысында биыл ауылдық елді мекендерде 18 сумен қамту нысанын салуға республикалық бюджет есебінен 3027,2 млн. теңге қаралып отыр.
БҚО құрылыс басқармасынан түскен мәліметке қарағанда, атап айтқанда, су құбырлары құрылысына Сырым ауданы Жымпиты ауылында - 479,4 млн., Теректі ауданы Федоров ауылында - 182 млн., Жәнібектің Талов ауылында - 162,4 млн., Жаңақаланың Жаңақазан ауылында - 145,6 млн., Қызылобасында - 122,9 млн., Қаратөбенің Жусандыойында - 201,8 млн., Бөрлінің Қанайында - 124,6 млн., Шыңғырлаудың Амангелдісінде - 164,1 млн., Тасмоласында - 124,2 млн., Қазталовтың Ақпәтерінде - 203,8 млн., Жалпақталында 307,7 млн. теңге жұмсалмақшы.
Өткен жылы ел бюджетінен БҚО бойынша 9 сумен қамту нысанына 1054,2 млн. теңге берілген болатын.
Айта кетейік, 2014 жылы аталмыш басқармаға түрлі сала нысандарының құрылысына 17 млрд. теңге (соның ішінде республикалық бюджеттен - 13,2 млрд., жергілікті қазынадан - 3,8 млрд. теңге) бөлініп, ол толықтай игерілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).