ОРАЛ. 17 қыркүйек. ҚазАқпарат - 16 қыркүйек күні облыс әкімі белгілі ақын Қайрат Жұмағалиевті 75 жасқа толуына орай қабылдап, құрмет көрсетті.
Кездесуде облыс басшысы кейінгі жылдары Орал қаласында тұрып жатқан ақынның хал-жағдайын, шығармашылық тыныс-тіршілігін сұрап білді. «Жүздесуде қазіргі әдебиеттің дамуы, алдағы іс-жоспарлар туралы әңгіме болды. Мен облыс басшысына баспаға жаңа кітабымды дайындап қойғанымды айттым», деді Қ. Жұмағалиев.
Қайрат Жұмағалиевтің 75 жылдық мерейтойына орай шаралар өңірде қыркүйек, қазан айларында өтетін болады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).