ОРАЛ. 11 қаңтар. ҚазАқпарат /Елжан Ералы/ - Батыс Қазақстан облысының әкімі Бақтықожа Ізмұхамбетов облыстық жер қатынастары басқармасының бастығы Әлібек Сәтбаевты 63 жасқа толуына орай қабылдап, құрмет көрсетті.
Батыс Қазақстан ауыл шаруашылығы институтын, кейін Алматы жоғары партия мектебін бітірген Әлібек Сәтбаев комсомол, партия органдарында, басшылық жұмыстарда мол тәжірибе жинақтады. Әсіресе, 1994-2002 жылдары Чапаев, Ақжайық ауданының әкімі болған кезінде абыройлы қызмет атқарып, ел ықыласына бөленді. Содан кейін үш жыл бойы облыстық ақпарат және қоғамдық келісім басқармасының бастығы болған ол 2005 жылдың қаңтарынан - облыстық жер қатынастары басқармасының бастығы.
Облыс басшысы Ә.Сәтбаевты 63 жасқа толуына орай құттықтап, ол өзінің ісімен де, болмысымен де ортасына үлгі көрсетіп келе жатқандығын атап өтті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).