ОРАЛ. ҚазАқпарат - «Ауыл шаруашылығын қаржылай қолдау қоры» АҚ БҚО мамандандырылған ауданаралық экономикалық сотына «Х» шаруа қожалығынан 9 223 974 теңге берешекті өндіру туралы талапарызбен жүгінді.
БҚО сотының баспасөз қызметінен түскен мәліметке қарағанда, тараптар арасында 2011 жылы 25 ақпанда және 2014 жылы 4 қарашада келісімшарттар жасалып, биылғы 25 ақпанға дейін 4 млн. теңге, өткен жылғы 4 қарашаға дейін 6 млн. теңге несие берілген. Алайда шаруа қожалығы қарызын уақтылы қайтармаған.
Экономикалық сот жауапкерден «Ауыл шаруашылығын қаржылай қолдау қоры» АҚ-ға берешегін толық көлемде және мемлекет пайдасына 276 719 теңге көлемінде баж салығын өндіру жөнінде шешім қабылдады.
Шешім заңды күшіне енген жоқ.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).