ОРАЛ. Қыркүйектің 16-сы. ҚазАқпарат /Елжан Ералы/ - БҚО бойынша кедендік бақылау департаментінде мемлекеттік тілді кеңінен қолдану мен насихаттау бағытында көптеген шаралар қолға алынып келеді.
Соның айғағы ретінде департамент қызметкерлері мемлекеттік тілде сайысқа түсті.
Департаменттің баспасөз қызметінен ҚазАқпарат тілшісіне хабарлағанындай, төрт кезеңнен тұрған байқау қорытындысында талдау және статистика бөлімінің аға маманы, ұлты украин Елена Өтепова жеңіске жетті. «Сырым» кеден бекетінің аға маманы, татар Ришат Хузасаитов - екінші, «Жайық» кеден бекетінің аға маманы, орыс Виталий Мамыкин үшінші орынды иеленді.
Бұдан бұрын БҚО бойынша кедендік бақылау департаментінің өкілдері республикалық деңгейдегі осындай сайыстарға да қатысып, жүлделі орындарды еншілеген болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).