ОРАЛ. ҚазАқпарат - Батыс Қазақстан облысында жыл басынан бері 5 млн. 832,8 мыңнан астам теңге әкімшілік айыппұлдарын төлемеген 282 автокөлік иесі ұсталды.
БҚО ішкі істер департаментінің баспасөз қызметінен түскен мәліметке қарағанда, бұл көліктер ҚР Әкімшілік құқықбұзушылық кодексі 797-бабына сәйкес айып тұрағына қойылды. Рейдтік шаралар нәтижесінде 1 млн. 21,2 мыңнан астам теңге өндірілді.
Айта кетейік, депатаментте иелері қарыздар автокөлікті анықтайтын 2 жылжымалы және 4 стационарлық «Автоураган» кешендері жұмыс жасайды. Бұл бағыттағы жұмыс жалғасуда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).