ОРАЛ. 4 желтоқсан. ҚазАқпарат - Батыс Қазақстан облысында тұрғын үй-коммуналдық шаруашылықты жағырту бағдарламасының бірінші тетігі бойынша 312,5 млн. теңгеге тұрғын үйді жөндеу жұмыстары жүргізілсе, бес аудандағы 29 үйдің жобалық-сметалық құжаттары дайындалуда.
Облыс әкімі Нұрлан Ноғаевтың айтуынша, бағдарламаның екінші тетігі бойынша облыс бойынша жөндеуге жоспарланған 77375,77 шаршы метрді құрайтын 85 үйдің қазіргі уақытта 31851,4 шаршы метрді құрайтын 46-сында жөндеу жұмыстары аяқталды. Қалған 39 үйде жөндеу жұмыстары жалғасуда.
Сондай-ақ тұрғындардың жайлы өмір сүруі үшін биыл 1 005,4 млн. теңгеге 14,5 шақырым су құбырлары желілерінің құрылысын қарастыратын «Ақбұлақ» бағдарламасы шеңберінде 5 жоба жүзеге асырылуда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).