ОРАЛ. ҚазАқпарат - Жәнібек ауданында алты жасар қызды зорлады деген айып тағылған күдіктіге қатысты ҚР ҚК 120-бабы 4-бөлігіне сәйкес қылмыстық іс қозғалып, тергеу амалдары жүргізілуде, деп хабарлайды ҚазАқпарат.
БҚО ішкі істер департаменті баспасөз қызметінен түскен мәліметке қарағанда, аса ауыр қылмыс жасағаны үшін аталған күдікті сот қаулысымен қамауға алынды. Бірқатар сараптама тағайындалды.
«Оқиға 26 қазан күні Тау ауылдық округінде орын алды. Жедел тергеу шаралары барысында күдікті анықталып, қылмыс ашылды. Қазір іспен облыстық ішкі істер департаментінің тергеу басқармасы айналысуда», - деді Жәнібек аудандық ішкі істер бөлімінің бастығы Ертай Қарағойшиев.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).