ОРАЛ. 22 желтоқсан. ҚазАқпарат /Елжан Ералы/ - Батыс Қазақстан облысында биылғы он бір айда 74280,8 млн. теңгенің ауыл шаруашылығы өнімдері өндірілді, бұл өткен жылғыдан 23,2 пайызға артық.
Облыстық статистика департаментінен түскен мәліметке қарағанда, соның 36003,3 млн. теңгесі өсімдік, 37581,1 млн. теңгесі мал шаруашылығы өнімдерінің үлесіне тиеді. Өсімдік шаруашылығы өнімінің көлемі 2010 жылдың осы кезеңімен салыстырғанда 62,9 пайызға өсіп, мал шаруашылығы өнімі 1 пайызға кеміді.
Облыстың барлық шаруашылық санаттарында 2011 жылдың қаңтар-қарашасында тірілей салмақпен алғанда, 64,4 мың тонна (2010 жылғы осы мерзіммен салыстырғанда 101,6 %) мал мен құс еті, 216,6 мың тонна сүт (95,2 %), 126,0 млн. дана тауық жұмыртқасы (103,9 %) өндірілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).