ОРАЛ. 22 желтоқсан. ҚазАқпарат - Батыс Қазақстан облысында ауылдық жерде ғаламтор абоненттерінің саны 13,3 мыңға жетіп, өткен жылғыдан 11,8 пайызға артты.
Облыстық статистика департаментінен түскен мәліметке қарағанда, ауылдық жерде сондай-ақ 54,2 мың телефон желісі тіркелген, бұл өткен жылғыдан 1,1 пайызға көп. Ауылдық жерде байланыс қызметінен түскен табыстың 41,4 пайызы - жергілікті телефон байланысы, 22,1 пайызы - ғаламтор, 15,9 пайызы қалааралық және халықаралық телефон байланысы үлесінде.
Биылғы он бір айда электрлік байланыс кәсіпорындары 1503,2 млн. теңгенің қызметін көрсетсе, пошта және курьерлік мекемелер еншісінде - 44,9 млн. теңге.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).