ОРАЛ. 28 қараша. ҚазАқпарат /Елжан Ералы/ - 23 қараша күні түнде белгісіз біреулер Атырау қаласындағы «Толқын» шағынауданындағы №5 үйдің ауласынан 2006 жылғы, қара түсті «LEXUS RX 350» автокөлігін айдап кеткен.
БҚО ІІД жол полициясы басқармасынан хабарлағанындай, автокөлікті «барымталап» кеткендерді тоқтатуға жеке құрам жұмылдырылды. Оқиға болғаннан кейінгі екінші күні кешкісін құрамында жол полициясы инспекторлары Тельман Болатов пен Қайдар Есмағұлов бар патрульдік экипаж автокөлікті Ақжайық ауданы Мерген ауылы тұсынан «тапты».
Автокөліктің иесі фирма директоры болса, айдап кеткендер сонда жұмыс жасайтын екі қызметкер екен. Олар автокөлікті жалақы қарызы үшін айдап кеткен болып шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).