ОРАЛ. 28 мамыр. ҚазАқпарат -БҚО-да «Әйел - отбасының және мемлекеттің тірегі» тақырыбында республикалық шара өткізілді.
Облыстық ішкі істер департаментінің баспасөз қызметінен түскен мәліметке қарағанда, шараға 457 адам жұмылдырылып, 1480 ақпараттық материалдар таратылды. 359 қоғамдық шара ұйымдастырылды. Шара кезінде әйелдерге қатысты зорлық-зомбылық тіркелген жоқ.
Өңірде биылғы төрт айда әйелдерге қатысты 308 қылмыс тіркелсе, соның үшеуі - кісі өлтіру, төртеуі - қасақана ауыр дене жарақатын келтіру (оның екеуі адам өліміне соқтырған), 11-і - денсаулыққа орта дәрежеде зақым келтіру, 32-сі - бұзақылық, 92-сі - алаяқтық, бесеуі - бопсалау. Осы мерзімде отбасылық-тұрмыстық қарым-қатынаста 1011 құқық бұзушы әкімшілік жауапкершілікке тартылып, 779-ына қатысты қорғау нұсқамасы толтырылды.
2012 жылдың соңынан бері облыс орталығында әйелдерге арналған бейімдеу орталығы жұмыс жасайды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).