ОРАЛ. 13 ақпан. ҚазАқпарат - Батыс Қазақстан облысында бір қызметкердің орташа айлық жалақысы 106938 теңгеге жетті.
Облыстық статистика департаментінен түскен мәліметке қарағанда, айлық жалақы құрылыс саласында - 205,2 мың теңге (орташа облыстық көрсеткіштен 1,9 есеге артық), өнеркәсіпте - 184,1 мың теңге (1,7 есеге), көлік және қоймалауда - 179,2 мың теңге (1,7 есеге), ақпарат және байланыста 154,0 мың теңгені (1,4 есеге) құрады.
Ең төменгі еңбекақы өнер, ойын-саулық және демалыс саласында, мұнда орташа жалақы орта облыстық көрсеткіштің 48,1 %-ына тең.
Аудан-аймақтан ең жоғары жалақы Бөрлі ауданында 220,8 мың теңгеге жетті, бұл облыс бойынша орташа деңгейден 2,1 есеге көп.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).