ОРАЛ. 2 қараша. ҚазАқпарат /Елжан Ералы/ - 1 қараша күні Зеленов ауданына қарасты Дариян ауылындағы өз үйінің ауласында 1954 жылы туған Сергей Церковников асылып өлген.
Облыстық ішкі істер департаментінің баспасөз қызметінен хабарлағанындай, қазіргі кезде Зеленов аудандық ішкі істер бөлімі Приурал полиция бөлімі тергеу амалдарын жүргізіп, оқиғаның себеп-салдарын анықтауда.
Сергей Николаевич Церковников облыста басшылық қызметтер атқарды, соның ішінде Теректі ауданының әкімі болды. Соңғы қызметі - БҚО жұмылдыру дайындығы, азаматтық қорғаныс, авариялар мен дүлей апаттардың алдын алуды және жоюды ұйымдастыру басқармасының бастығы.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).