ОРАЛ. 16 қазан. ҚазАқпарат - 13 қазан күні таңертең облысқа белгілі кәсіпкер, «Талап» АҚ президенті, 1952 жылғы Владимир Волков «Робинзон-44» жеке ұшағымен ұшып шығып, содан хабарсыз кеткен.
Облыстық ішкі істер департаментінің баспасөз қызметінен түскен мәліметке қарағанда, оның қасында осы компания қызметкері, 1951 жылғы Григорий Поляничко болған. Ұшақ шамамен Орал-Жаңақала-Тасқала-Шежін-Орал бағытында ұшуы керек еді.
Кеше Волковтың зайыбы Ольга Дунаева ерінің жоғалып кеткені жөнінде ішкі істер органына хабар берген.
Қазіргі кезде іздестіру жұмыстары жалғасуда.
В.Волковтың жоғалғаны жөніндегі мәліметті бүгін облыс әкімі Нұрлан Ноғаев ҚР Президенті жанындағы Орталық коммуникациялық қызметінде өткізген баспасөз мәслихатында да растады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).