ОРАЛ. 2 қазан. ҚазАқпарат - Батыс Қазақстан облысында «Бизнестің жол картасы - 2020» бағдарламасы аясында демеуқаржы бөлу жөнінде жүзінші келісімге қол қойылды.
Ол «Даму» кәсіпкерлікті дамыту қоры» АҚ, «Казкоммерцбанк» АҚ және жеке кәсіпкер Владимир Ружейников арасында жасалды.
Кәсіпкерлік ісін 1998 жылдан бастаған В.Ружейников ағаш бұйымдарын өндірумен айналысады. Бүгінде цех есік-терезе, шкаф-купелер, сондай-ақ кафе мен офистер үшін декорациялар шығарады. Өзінің айтуынша, ол «Даму-Өндіріс» несиесін 8 пайыздық мөлшерлеме бойынша алса, соның 7 пайызы аталмыш бағдарлама бойынша қаржыландырылады. Өзі 1 пайызын ғана төлейді. Мұның тиімді екені сөзсіз.
Биыл «Даму-Өндіріс» бойынша 6 несие берілсе, соның бесеуі «Бизнестің жол картасы - 2020» бағдарламасы аясында жасалған.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).