ОРАЛ. 19 сәуір. ҚазАқпарат - Елбасы бастамасымен қолға алынған «Дипломмен ауылға» бағдарламасы Батыс Қазақстан облысының Теректі ауданында да жүзеге асырылып келеді.
Аудандық экономика және қаржы бөлімінің бастығы Альмира Төлегенованың айтуынша, 2013 жылы республикалық бюджет есебінен 30 маманға тұрғын үйге қол жеткізу үшін 80,491 млн. теңге бюджеттік несие қаралған. Сондай-ақ 60 маманға 7,27 млн. теңге көтермеақы төленбекші.
Қазіргі таңда ЖОО бітірген жас мамандардың ауылдық жерде жұмыс жасауы үшін барлық жағдай жасалуда. Ауылда жасалған жағдай қаладан артық болмаса, кем емес. Аталмыш бағдарламаның шарапатын көргендердің бірі - Теректі аудандық мәдениет үйінде қызмет атқарып жүрген Айбек Дәулетқалиев. «Өз үйім - өлең төсегім!» демекші, баспанаға да ие болып жатырмыз. Жас мамандарға арналған бағдарлама арқылы үш бөлмелі үйге қол жеткіздік. Біз сияқты жастарға зор қолдау көрсетіп жатқан Елбасымызға алғысымыз шексіз» , - дейді жас әнші.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).