ОРАЛ. 21 желтоқсан. ҚазАқпарат - Батыс Қазақстан облысында биыл өндірісі аяқталған экономикалық сипаттағы қылмыс 7,2 пайызға өсіп, келтірілген залал 2 млрд. теңгеге жетті.
Облыстық прокуратураның баспасөз қызметінен түскен мәліметке қарағанда, соның ішінде «Орал» ӘКК» ҰК» АҚ бұрынғы басқарма төрағасы Р.Сапарғалиев пен «АттисОралАгро» ЖШС директоры Б.Нығышевтің үстінен ҚР 176-бабы 3-бөлімі «б» тармағы бойынша қылмыстық іс сотқа берілді. Оларға агроөнеркәсіп кешенін дамыту, сондай-ақ өңірлік азық-түлік тұрақтандыру қорын құру мақсатында жеміс-жидек өнімдерін (пияз, картоп, сәбіз) сатып алуға берілген 200 млн. астам теңге бюджет қаражатын қымқырды деген айып тағылып отыр.
Өңірде анықталған сыбайлас жемқорлық қылмысы 83,1 пайызға артып отыр. Соған орай сотқа жіберілген қылмыс саны 40 пайызға көбейді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).