ОРАЛ. 1 желтоқсан. ҚазАқпарат /Елжан Ералы/ - Зеленов ауданының орталығы Переметный кентінде ел тәуелсіздігінің 20 жылдығына орай жас ақындар айтысы өткізілді.
Айтысқа қатысушылар мен көрермендерді аудан әкімі Ғайса Қапақов мерекемен құттықтап, ізгі лебізін білдірді.
Барлығы он ақын қатысқан сайыс қорытындысында өлеңдері республикалық баспасөз беттерінде көрініп, көптеген жыр додаларынан олжалы оралып жүрген оралдық Талғат Мықи бас жүлдені жеңіп алды. Эльдар Иқсанов - бірінші, Жақсылық Еслямғалиев, Айнабек Бисенғалиев, Мұрадым Мирланов, Санат Кәрімов, Мейірман Шәкеновтер басқа орындарды бөлісті.
Кеңестік дәуірде өзге ұлт өкілдері көбірек қоныстанып, тәуелсіздік жылдарында ғана мемлекеттік тілге бетбұрыс жасалған ауданда айтыстың ұйымдастырылуы өте орынды болды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).