ОРАЛ. 16 қаңтар. ҚазАқпарат - Батыс Қазақстан облысында бір қызметкердің орташа айлық жалақысы - 88131 теңге.
Облыстық статистика департаментінен түскен мәліметке қарағанда, ең жоғары жалақы өнеркәсіпте - 157,0 мың теңге (облыстық көрсеткіштен 1,8 есеге көп), құрылыста - 132,4 мың теңге (1,5 есе), қаржы және сақтандыру қызметінде - 122,4 мың теңге (1,4 есе), кәсіби, ғылыми және техникалық қызметте - 113,4 мың теңге (1,3 есе), әкімшілік және қосалқы қызмет көрсету саласында - 110,3 мың теңге (1,3 есе), көлік және қоймалауда - 99,4 мың теңге (1,1 есе).
Ең төменгі еңбекақы бұрынғысынша ауыл, орман және балық шаруашылығы саласында сақталып отыр, мұндағы орташа жалақы облыстық көрсеткіштің 45,8 пайызымен бірдей.
Аумақтық жағынан алғанда, облыстағы ең жоғары жалақы Бөрлі ауданында - 182,1 мың теңге, бұл облыстық деңгейден 2,1 есеге артық.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).