ОРАЛ. 10 қаңтар. ҚазАқпарат /Елжан Ералы/ - Батыс Қазақстан облысында қос бірдей құс фабрикасы салынатын болады.
Облыс басшысы Бақтықожа Ізмұхамбетовтің айтуынша, өңір құс етінің 75 пайыздайын сырттан алып отыр. Біреуі 3 мың тонналық, екіншісі 6 мың тонналық екі құс фабрикасы осы олқылықтың орнын толтырмақ. Сол секілді Зеленов ауданы Щапов ауылы маңында көп ұзамай 12 мың басқа арналған шошқа кешені іске қосылады. Бұл кешен үшін 500 бас аналық мал алынбақ. Біраздан бері шешілмей келген Щаповтағы ешкі сүтін өңдеу зауытын қаржыландыру да (400 млн. жуық теңге) оң шешімін тапты.
Өңірде басқа да өндірістік жобаларды іске қосу жалғасатын болады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).