ОРАЛ. 25 қазан. ҚазАқпарат /Елжан Ералы/ - Батыс Қазақстан облысында биылғы 1 қазанға мәдениет саласының нақтыланған бюджеті 3328,2 млн. теңгені құрады.
Облыс әкімдігінен алынған мәліметке қарағанда, жергілікті бюджет есебінен мәдениет нысандарын күрделі жөндеу мен материалдық-техникалық базасын нығайтуға 62,4 млн. теңге қарастырылған.
Өңірде 2 театр, 268 мәдениет үйі мен клуб, 407 кітапхана, 7 кинотеатр, 17 мұражай, Орал көрме залы, мәдениет және демалыс саябақтары жұмыс жасайды. Сондай-ақ Ғ.Құрманғалиев атындағы облыстық филармония, Батыс Қазақстан облыстық камералық оркестрі, облыстық халық шығармашылығы орталығы, тарих және археология орталығы, жастар шығармашылығы орталығы, тарихи-мәдени мұраны қорғау жөніндегі инспекция бар.
Облыстың таңдаулы өнер ұжымдары мен әртістері бұл күндері Астанада өтіп жатқан БҚО күндерінде өз өнерлерін көрсетуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).