ОРАЛ. 1 тамыз. ҚазАқпарат /Елжан Ералы/ - БҚО бойынша экономикалық қылмысқа және сыбайлас жемқорлыққа қарсы күрес департаменті қызмет бабын асыра пайдаланып, мемлекетке 11,7 млн. теңге залал келтірген Бөкей ордасы аудандық құрылыс бөлімі бастығының міндетін атқарушы С.Айтжановқа қатысты қылмыстық іс қозғады.
Департаменттің баспасөз қызметінен хабарлағанындай, С.Айтжанов 2008 жылғы қазанда «100 мектеп, 100 аурухана» мемлекеттік бағдарламасы бойынша Бөкей ордасының орталығы Сайхын ауылында 600 орындық орта мектеп құрылысы барысында мердігердің жобалау-сметалық құжаттаманы бұза отырып, ағаш еден орнына линолеум төсенішін салғанын анық біле тұра, орындалған жұмыс актілеріне қолын қойған.
Қазіргі уақытта қылмыстық іс айыптау қорытындысымен сотқа жіберілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).