ОРАЛ. 5 сәуір. ҚазАқпарат -Батыс Қазақстан облысында да жастарды көктемгі әскерге шақыру жұмыстары жүріп жатыр.
Облыстық қорғаныс істері жөніндегі департамент мәліметіне қарағанда, бұл науқан 1 шілдеге дейін созылмақ. Биыл өңірден мың шамасында жас әскер қатарын толықтырмақшы, бұл өткен жылдардағыдан көп. Жыл сайын әскери қызметке 1700-дей адам шақырылып келсе, биыл олардың саны 2500-ге жетпек. Бұл келісім-шарт бойынша қызмет ететіндердің азайып, мерзімді шақыру бойынша баратындардың көбеюіне байланысты.
Аэромобильді әскер қатарын толықтырушылар да көбеймек. Оған жыл сайын 70-тен астам жас алынып келсе, енді бір ғана шақырылымның өзінде 100-ден астам батысқазақстандық десантшылар қатарын толықтырмақ.
Жаңадан әскерге алынғандардың алдыңғы легі 20 сәуірлерде аттанбақ, қазір олар медициналық комиссиядан өтуде. Биыл жастардың денсаулығына қойылатын талаптар да қатаңдатылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).