ОРАЛ. 26 сәуір. ҚазАқпарат /Елжан Ералы/ - Бүкіл республикадағы сияқты, бүгін Батыс Қазақстан облысында «Назар салыңыз: бағдаршам!» айлығы басталды.
Аталмыш айлық мақсаты - жол-көлік оқиғалары кезінде болатын балалар жарақатын азайту.
БҚО ІІД жол полициясы басқармасының инспекторы Динара Абдулхалиқованың айтуынша, бір ай бойы жол полициясы білім басқармасымен бірлесе отырып, оқушылармен алдын алу сабақтарын, педагогтармен семинар, тренингтер, сондай-ақ тұрғындармен жол қозғалысы қауіпсіздігін қамтамасыз ету бағытында әңгімелер өткізеді.
Қоғамдық көлікте плакаттар ілініп, жолдарда балалар макеті қойылады. Жас инспекторлардың слеті өткізіледі. Сондай-ақ 25 мамырда жол полициясы қызметкерлері соңғы қоңырау салтанатында сөз алмақ.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).