ОРАЛ. 8 қараша. ҚазАқпарат /Елжан Ералы/ - Батыс Қазақстан облысында орта білім беру мекемелері арасында «Үздік веб-сайт» интернет-марафонының қорытындылары шығарылды.
Облыстық білім беру басқармасы ұйымдастырған байқауға қатысушылар екі ай бойы интернет көздерін пайдалану бойынша өз білім-біліктерін көрсетті.
Сайыс қорытындысында Зеленов ауданы Қ.Аманжолов атындағы орта мектеп мұғалімі Наталья Рахимбердина бас жүлдені жеңіп алды. Сондай-ақ Ақсай қаласындағы №3 орта мектеп оқушысы Ақбота Есқали («Оқушының үздік веб-сайты»), осы мектеп педагогтары Борис Зеленов («Мұғалімнің үздік сайты») пен Ирина Ольховик («Үздік ақпарат сайты»), Қазталов ауданы Ғ.Молдашев атындағы мектеп мұғалімі Айдар Ерболатов («Үздік ауыл мектебінің сайты») түрлі аталымдар бойынша үздік шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).