ОРАЛ. 16 ақпан. ҚазАқпарат /Елжан Ералы/ - БҚО білім басқармасы мен облыстық балалар мен жасөспірімдер туризмі және экология орталығы Орал өңіріндегі спорттық бағдарлау жылы аясында білім беру қызметкерлері арасында шаңғы туризмі техникасынан жарыс өткізді.
Үш күнге созылған жарыс барысында облыс аудандары мен Орал қаласынан келген командалар «қысқы спорттық бағдарлау» және «кросс-жорықтан» сынға түсті. Сондай-ақ көркемөнерпаздар мен «Бутербродтар» байқауынан да өз бақтарын сынады.
Сайыс қорытындысында жалпыкомандалық есепте Орал қаласы өкілдері жеңімпаз атанса, Сырым ауданы - екінші, Ақжайық үшінші орынды иеленді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).