ОРАЛ. 22 сәуір. ҚазАқпарат /Елжан Ералы/ - «Нұр Отан» ХДП БҚО филиалы мен облыстық әділет департаменті су тасқынынан зардап шеккен заңды және жеке тұлғаларға тегін заңгерлік кеңес беру жөнінде келісім жасасты.
Осыған орай партияның облыстық, Ақжайық, Зеленов, Қазталов және Тасқала аудандық филиалдарында департамент мамандары адамдарды қабылдауда. Олар зардап шеккендерге құжаттарды жинау, қалпына келтіру үшін қайда бару қажеттігі жөнінде кеңес беруде. БҚО филиалы қоғамдық қабылдау бөлмесінің меңгерушісі Гүлжан Мұхтарованың айтуынша, 22 сәуірге дейін зардап шеккендерден 127 адам хабарласып, өтініш жасаған. Осындай жұмыс аудандарда да жүргізілуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).