ОРАЛ. 22 наурыз. ҚазАқпарат /Елжан Ералы/ - Батыс Қазақстан облысында биылғы екі айда табиғи газ өндіру - 9,3, газ конденсаты 8,3 пайызға артты.
Облыстық статистика департаментінен түскен мәліметке қарағанда, бұл осы кен өндіру саласында өнім көлемін 6,9 пайызға арттыруға мүмкіндік берді. Мұнда жыл басынан бері 198,5 млрд. теңгенің өнімі өндірілді.
Батыс Қазақстанда сондай-ақ өңдеу өнеркәсібінде 15,2 млрд. теңгенің өнімі шығарылып, өнім көлемі 72,1 пайызға көбейді. Мұнда, әсіресе, мұнай өнімдерін өндіру - 6,0, тоқыма бұйымдары, металл емес минералды өнімдері - 1,4, резеңке, пластмасса бұйымдары - 1,3, металлургия өнеркәсібі өнімі 1,2 есеге артты.
Жалпы, екі айда 219,9 млрд. теңгенің өнеркәсіп өнімі өндірілді, бұл өткен жылғыдан 9,4 пайызға көп.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).